Himno de Ukrainio

Ne pereis nia lando

 Himno de Ukrainio

 

Vortoj de P. Ĉubinskij

Muziko de M. Verbickij

Esperantigis S. Vajnblat

 

Ne pereis  en Ukrajno  nek gloro, nek forto.

Al ni, fratoj-ukrainoj, ekridetos sorto.

Malaperos malamikoj, kiel ros’ sub suno

Kaj alvenos al ni, fratoj, la feliĉ’-fortuno.

 

Ni fordonos por libero vivon sen lamento

Kaj ni montros, ke ni estas el kozaka gento.

 

Ni ekstaru por libero de Sjano ĝis Dono

Kaj en kara land’ ni regi al neniu donos.

Nigra maro ekridetos, ĝojos dnipraj mevoj.

En Ukrainio nia maturiĝos revoj.

 

Ni fordonos por libero vivon sen lamento

Kaj ni montros, ke ni estas el kozaka gento.

 

Kaj ni dignon nian montros per fervor' sincera,

En la lando laŭte tondros baldaŭ kant' libera.

Ĝi reeĥos tra la stepoj, trans Karpataj montoj,

Ukrajnio iĝos glora en la tuta mondo.

 

Ni fordonos por libero vivon sen lamento

Kaj ni montros, ke ni estas el kozaka gento.

 

1989